(സ്ത്രീദിനത്തിൽ...സ്ത്രീകൾക്കായി...)
ഇനിയും മറന്നിട്ടില്ല ഞാനൊന്നും,
മറന്നുവെന്നു കരുതിയെങ്കിൽ സുഹൃത്തേ,
നിനക്ക് തെറ്റി...
നിൻറെ തെറ്റുകൾക്ക് ഞാനറിഞ്ഞു തന്ന
കൊടിയ ശിക്ഷയിതാ...
നിനക്ക് മാപ്പ്!!!
എന്റെ കണ്ണീർ ഭൂമിയിൽ പതിക്കാതെ
എന്റെ രോദനങ്ങൾ ആരും കേൾക്കാതെ
ഞാൻ ശ്രദ്ധിക്കും...
ഇല്ലെങ്കിൽ നീ വെന്തു പോകും,
നിൻറെ ശരീരം ചാമ്പലാകും...
ആ വിയർപ്പിൻറെ ഗന്ധം ഇന്നുമീ നെഞ്ചിലുണ്ട്,
ആ ശുക്ലത്തിന്റെ പാടുകൾ എന്റെ തുടയിലും,
നിൻറെ കടികളും നഖക്ഷതങ്ങളും ഇങ്ങു ഭദ്രം...
എന്തിനെന്നോ?
അവളെന്നും നിൻറെ രണ്ടാം തരമെന്നൊർക്കാൻ
നിന്നെ ഞാൻ വെല്ലുവിളിക്കില്ല...
സ്നേഹിക്കാതെ ഇരിക്കില്ല,
കാരണം എനിക്കെ അത് പറ്റൂ;
പെണ്ണിന്റെ നന്മയാണത്...