വെറുക്കുന്ന സ്നേഹം

ആവോളം ആസ്വദിക്കുന്നു ചിലതൊക്കെ -

യവയെന്നും നുകരാനായ് വെമ്പും ഹൃദയം...

കാണെക്കാണെ കേൾക്കെകേൾക്കെ 

അസ്വാദായി മാറുന്ന രുചികൾ,

അസ്വാരസ്യമായി തീരുന്ന വാക്കുകൾ,

അലോസരമാകുന്ന ചേഷ്ടകൾ,

അനിഷ്ടമാകുന്ന ഇഷ്ടങ്ങൾ...

സ്നേഹിച്ചു സ്നേഹിച്ചു 

സ്നേഹവും വിരസതയിലേക്ക്....

സ്നേഹേകാന്തത

 നിന്നെ കാണും വരെ എനിക്ക് 

ഏകാന്തത സുന്ദരമായിരുന്നു...

സുന്ദരമായ ഈ ദിവസത്തിൽ

ഞാൻ ഇരുട്ടിലിരിക്കുന്നു...

നീയില്ലായ്മയിൽ 

നിൻ്റെ ഓർമകളിൽ 

എൻ്റെ ഏകാന്തതയെ 

മനോഹരമാക്കി...