മരീചിക തേടി

ആശകൾ നയിക്കുന്ന മർത്യജന്മത്തിനീ
പൃഥ്‌വിയിൽ വിലയെന്ത്?
ഹൃത്തുകൾ കീറിമുറിക്കുമീ മോഹ-
ഭംഗത്തിൻ വേദനയോ?
മുറിവിലൂടൊഴുകും നിണത്തിനാൽ വീണ്ടും
ആശകൾക്കു നിറം പകരുന്നവർ...
തളരുന്നവർക്കിനിയും ഊർജ്ജമേകാൻ
കഴിയുന്നവയ്‌ക്കെന്നാലും ചില
ഹൃദയങ്ങൾ നിലയ്ക്കുന്നു.
ദിനവും പ്രതീക്ഷകളുടെ ശവപ്പറമ്പിൽ,
മൺകൂനകളുയർന്നു കൊണ്ടേയിരുന്നു.
പൊട്ടിത്തകർന്ന മോഹച്ചെപ്പുകൾ പോ-
ലടർന്നു വീഴുന്നുവെങ്കിലും
സുന്ദരിപ്പൂക്കളാണെൻ മോഹങ്ങൾ...
മുൾച്ചെടികൾക്കിടയിൽ ഞെരുങ്ങിയും
വിടർന്നു പുഞ്ചിരി തൂകുന്നവർ...
സ്നേഹകണങ്ങളാൽ ഉണരുന്ന
പ്രത്യാശയിൻ പുതുപുലരി,
പാഴ്നിലത്തിലെ ശാദ്വലത പോൽ,
മരുഭൂവിലാശ്വാസ ജലബിന്ദു പോൽ,
അഭിലാഷത്തിന്റെ പുതുമ തേടിയീ
അവിരാമമൊഴുകുന്ന  ജീവയാത്ര...